Их Британийн кино ертөнцийн  шилдгүүдийг тодруулдаг “London film festival” /LFF/ өчигдөр нээлтээ хийсэн байна. Нэрт найруулагч Тим Бартоны “Frankenweenie" киногоор нээлтээ хийсэн уг наадамд Их Британин 12 кино продакшны 220 кино оролцож байгаа аж. “Frankenweenie"-ийн найруулагч Тим Бартон үлгэрийн гэмээр үйлд явдлаар дүүрэн “Битлжүүс”, “Хайчин гар Эдвард”, “Зул сарын өмнөх шөнийн аймшигт зүүд”, “Нойрмог хөндий” зэрэг дэлхийн кино сонирхогчдын хүртээл болсон олон арван бүтээлийг найруулсан аж. Харин уг кино наадмын хаалтын ажиллагаа аравдугаар сарын 21-нд нэрт зохиолч Дикенсийн  романаас сэдэвлэн бүтээсэн “Great Expectations” киногоор хаалтаа хийх юм байна. Түүнчлэн энэхүү кино наадмаас дэлхийн кино сонирхогч болон хөгжим сонирхогчдод сэтгэл догдлуулам  нэгэн бэлэг дэлгэсэн нь дэлхийн нэрт рок хамтлаг “The Rolling Stones”-ийн тухай баримтат кино уг наадамд оролцож байгаа явдал юм. “The Rolling Stones”-ийн 50 жилийн ойд зориулсан уг баримтаит кино энэ сарын 18 нд нээлтээ хийж улаан хивсний ёслол нь болох гэнэ.