Поп-опера чиглэлээр уран бүтээл туурвин Монголын хөгжмийн ертөнцөд өөрийн байр сууриа хэдийн эзэлсэн хамтлаг бол Нюанс. Тус хамтлагийн авъяаслаг залуус Дорнодчууд та бүхэнд “Дорнын талд өргөх аялгуу” нэртэй тоглолтоо хийх гэж байна.

Нюанс хамтлагийн дуучин Амараа Дорнод нутгаас гаралтай. Иймдээ ч нутагтаа баригдсан ХДТеатрын шинэ байрны нээлтэд зориулж хамтлагийнхаа хамт уран бүтээлийн бэлэг барьж байгаа нь энэ аж.

Тоглолт 16-нд буюу ирэх мягмар гарагийн 17 цагт ХДТеатрт ганцхан удаа болно. Тасалбар нь 8000 төгрөгөөр худалдаалагдаж байгаа бөгөөд театрын кассаар эрэлт ихтэй байгаа гэсэн.