Дуучин, жүжигчин, бүжигчин, бүжиг дэглээч гээд урлагийн их авьяастан Паула Абдул Америкийн хамгийн олон үзэгчтэй шоуны нэг болох “Dancing with the Stars” буюу “Ододтой бүжиглэе” шоуны 15 дахь цувралд зочин шүүгчээр уригджээ. Тэрбээр энэ сарын 15-нд буюу ирэх даваа гаригийн дугаарт шүүгчийн саналд тухлан, Бруно Тонойли, Лен Гүдмайн, Кэрри Энн Инаба нарын бүжгийн ертөнцийн “акулууд”-ын хамт шоуг шүүх гэнэ.

Паула Абдул нь Америкийн бүжгийн урлагийн томоохон төлөөлөгч бөгөөд телевизийн шоуны чадварлаг шүүгчдийн нэг хэмээн үнэлэгддэг юм. Тиймдээ ч Америкийн телевизийн “American Idol”, "The X Factor" зэрэг алдартай шоунуудад шүүгчээр ажиллаж байсан билээ. Паула ертөнцөд амжилт олсон төдийгүй, 1980-аад оны үед нэрд гарч байсан алдартай дуучин юм. Тэрээр "American Music Awards”, " Academy Awards”, “Grammy Awards” наадмуудын шагналтан бөгөөд "Primetime Emmy Award for Outstanding Choreography" шагналыг хоёр ч удаа хүртэж байжээ.