Монгол бөхийн түүхэн дэх арван засгийн наадмыг орлох Дөрвөн уулын хишиг барилдааны цуврал “Баянзүрх хайрханы хишиг” барилдаан аравдугаар сарын 14-нд буюу ирэх ням гаригт Монгол бөхийн өргөөнөө болно.  Монголын үндэсний бөхийн холбоо жил бүр “Бридж” групптэй хамтран зохион байгуулдаг энэхүү барилдаанд энэ цагийн бөхийн өнгийг тодорхойлж буй улс, аймгийн алдар цолтой хүчит 256 бөх зодоглох аж.