Дэлхийн банкнаас Монгол Улсын нийгэм, эдийн засгийн үзүүлэлтийг тоймлон, зохих зөвөлгөө өгдөг билээ. Энэ хүрээнд өнөөдөр Дэлхийн банкнаас 09-13.00 цагийн хооронд “Blue Sky” цамхагт  “Монгол Улсын санхүүгийн салбарын үнэлгээ” болон “Хэрэглэгчийн санхүүгийн эрхийн хамгаалал, санхүүгийн боловсролын талаарх тойм” судалгааны үр дүнг танилцуулахаар боллоо. Энэ үеэр 2012 оны эхний хагаст хийсэн эдгээр судалгааны үр дүн, зөвлөмжүүдийг олонд танилцуулж, Монгол Улсын Засгийн газар болон гадаад, дотоодын оролцогч талуудтай санхүүжилтын хүртээмж, хөрөнгийн зах зээл, санхүүгийн боловсролыг дээшлүүлэх талаар санал бодлоо солилцох юм байна.