АНУ-д ажиллаж, уран бүтээлээ туурвиж буй “Sweetymotion” хамтлагийн бүсгүйчүүд Монголдоо ирэхээ албан ёсоор зарлалаа. Тэд энэ удаад өөрсдийн бие даасан шинэ цомогтойгоо эх орондоо ирэх гэнэ. Хамтлагийн бүсгүйчүүд “Эмоушн” нэрээ  “Sweetymotion” хэмээн өөрчилснөөс хойш анхны цомог нь энэ аж. Таван жилийн дараа эх орондоо ирэх гэж буй хамтлагийн бүсгүйчүүд шинэ цомогтоо багтсан “Санахын аялгуу” дууныхаа клипийг Монголчууддаа уржигдраас эхлэн хүргэсэн. Тэдний “Санахын аялгуу” гэх шинэ клипийг үзэхийг хүсвэл та энд дарна уу. Ямартай ч “Гурван охин”, “Киви” хамтлагийн дууг сонссоор байгаад уйдах шахсан сонсогчид “Sweetymotion”-ны гэнэтийн бэлгийг хүлээсээр байна.

М.Дөл