МАН орон нутгийн хурлын сонгуульд оролцох нэр дэвшигчдийн 25 хувь эмэгтэйчүүд байх болно гэж тус намын ерөнхий бичгийн дарга Г.Занданшатар өнөөдөр хэвлэлийн бага хурал зарлаж мэдээллээ. Тус нам орон нутгийн хурлын сонгуульд оролцох нэр дэвшигчдээ намын анхан шатны үүрүүдээр нээлттэй хэлэлцүүлж, үүрүүдээс сонгож дуусч байгаа юм байна.

Мөн энэ үеэр МАН-ын албадын дарга нар солигдсоныг тэрээр дуулгасан юм. Үүнд Удирдах зөвлөлийн Хэрэг эрхлэх газрын даргаар Ш.Раднаасэд, Хэвлэл мэдээлэл олон нийттэй харилцах хэлтсийн даргаар Б.Хажидмаа, Мэдээлэл технологийн хэлтсийн даргаар Б.Цогтгэрэл, Намын байгуулалтын хэлтсийн даргаар Ч.Жаргалсайхан, Улстөрийн бодлогын хэлтсийн даргаар Н.Дэмбэрэл нар томилогджээ.