“Эрнст энд Янг” компани нь
дэлхийн хөрөнгийн биржүүдийн улирал тутмын судалгааг гаргадаг бөгөөд энэ оны
гуравдугаар улирлын тайланг танилцуулжээ. Энэ улиралд дэлхийн
хөрөнгийн биржүүд дээрх IPO гаргалт огцом буурсан гэдгийг судалгааны компанийн
зүгээс онцолж байв. Гуравдугаар улиралд дэлхийн биржүүд дээр нийт 24,1 тэрбум
ам.долларын хөрөнгө босгосон нь өнгөрсөн улирлын үзүүлэлттэй харьцуулбал 46
хувиар буурсан аж. Дэлхийн хэмжээнд босгосон нийт хөрөнгийн 76 хувь нь Азийн
хөрөнгийн биржүүд дээр хийгдсэн бөгөөд 102 IPO гаргаснаас 18,3 тэрбум ам.долларын хөрөнгө босгожээ.
Үүнээс Японы иргэний нислэгийн Japan Airlines /JAL/ компани нь хамгийн их буюу 8,5 тэрбум ам.долларын хөрөнгө босгосон байна.
Ингэснээр хөрөнгө босголтын хэмжээгээр
одоогийн байдлаар Токиогийн хөрөнгийн бирж тэргүүлэх байр эзэлж байгаа юм. АНУ-ын
хөрөнгийн биржүүд дээр 23 IPO гаргаснаас 3,5 тэрбум ам.долларын хөрөнгө
босгосон байна. Европын биржүүдийн хувьд байдал таагүй хэвээр байгаа бөгөөд
өнгөрсөн улиралтай харьцуулбал шинээр IPO гаргасан байдал 50 хувиар буурчээ.
Гуравдугаар улирлын байдлаар олон
улсын хөрөнгийн биржүүд дээр IPO гаргаж буй компаниудаас түүхий эд болон эрүүл
мэндийн салбарынхан тэргүүлсэн байна.
I улирал | II улирал | III улирал | |||
IPO | Хөрөнгө | IPO | хөрөнгө | IPO | хөрөнгө |
196 | 17,4 тэрбум | 248 | 44,3 тэрбум | 165 | 24,1тэрбум |
Э.Оджаргал
www.mongolianminingjournal.com
www.journalism.mn