Америкийн жүжигчин, дуучин Одра Макдональд “Бродвей”-н авъяаслаг жүжигчин Уилл Свенсонтой өнгөрөгч бямба гаригт төрөлх Нью-Йоркийн Кротон-он-Хадсон тосгондоо гэрлэсэн байна. Хосууд 2007 онд анх танилцсан бөгөөд өнгөрсөн жилийн шинэ жилээр сүй тавьжээ. Жүжигчин Одра Макдональд үүнээс өмнө мөн л театрын жүжигчин Петер Доновантай гэрлэж, нэг охинтой болсон ч 2009 онд гэрлэлтээ цуцлуулсан юм. Харин жүжигчин Уил Свенсон экс эхнэр Эми Уэстербигээс найм болон 11 настай хоёр хүүтэй аж. Одра Макдональд “Private Practice” телевизийн цуврал киногоор олонд танигдсан бөгөөд өнгөрсөн жил Бродвейн “Porgy and Bess” мюзиклд тогложээ. Харин Уилл Свенсон хамгийн сүүлд Бродвейн “Priscilla Queen of the Desert” мюзиклд тоглосон ба ирэх сард “Murder Ballad” хэмээх рок мюзиклд тоглохоор бэлтгэж байгаа аж.