“Их талын Jazz” олон улсын VI их наадмын хүрээнд өчигдөр олон улсын жазз хөгжимчид, Цэргийн дуу, бүжгийн эрдмийн чуулгын уран бүтээлчид хамтран сургалт явууллаа. Богино хугацаанд явуулсан сургалтдаа тулгуурлан тэд хамтдаа өчигдөр орой хамтарсан жазз тоглолтыг толилуулсан юм. Аман хуурыг симфони оркестортэй хослуулж бүрээ, хийл, бөмбөр, төгөлдөр хуур гээд төрөл бүрийн хөгжмийн зэмсгээр орон орны хөгжимчид хоршин тоглож, “Их талын Jazz” -ыг эхлүүллээ. Есөн орны уран бүтээлчид хөг нийлүүлэн хөгжимдөж, жазз хөгжмийн хэмнэлийг мэдрүүлсэн нь үзэгчдийн сэтгэлийг ихэд хөдөлгөж байлаа. Бидний сайн мэдэх “Задгай цагаан”-ыг жазз хэлбэрээр тоглосон нь өвөрмөц байв.