“Microsoft”-ын зүгээс одоохондоо энэ талаар алба ёсны мэдээлэл өгөөгүй байна. Хэзээ, ямар үнээр худалдаанд гарах тухай мэдээлэл байхгүй байгаа юм. Компанийн тэргүүн Стив Балмер өмнө нь шинэ таблетын үнийн талаар “300-800 ам.долларын хооронд байна” гэсэн тодорхой бус зүйл ярьж байсан.

Surface таблетын талаар “Microsoft” анх зургадугаар сарын дундуур танилцуулсан юм. Surface нь Windows 8 үйлдлийн системтэй, ARM ба х86 гэсэн хоёр өөр процессортой хувилбар худалдаанд гарах гэнэ. Онцлог нь гар /keyboard/ суурилуулсан хамгаалалтын хавтастай юм. Албан бус мэдээгээр “Microsoft” цаашид Surface гэсэн смартфон гаргахаар бэлтгэж байгаа гэнэ. Тэр нь Windows Phone 8 үйлдлийн системтэй бөгөөд ирэх жилийн дундуур худалдаанд гарах ажээ. 

Аравдугаар сард “Microsoft” хэд хэдэн танилцуулга хийнэ. Тус компанийн Windows 8 үйлдлийн систем аравдугаар сарын 26-нд худалдаанд гарах бол үүнээс хойш гурав хоногийн дараа Windows Phone 8 системийн эцсийн хувилбарыг гаргах юм.