УИХ-ын чуулганы нэгдсэн хуралдаан өнөөдөр 12.00 цагаас эхэлнэ. Сонгуулийн ерөнхий хорооны дарга Н.Лувсанжав үүрэгт ажлаасаа чөлөөлөгдөх өргөдлөө өгсөн учир өнөөдрийн хуралдаанаар Сонгуулийн ерөнхий хорооны удирдлагыг чөлөөлөх, томилох тухай асуудлыг хэлэлцэх аж. Түүнчлэн Монголбанкны Дэд ерөнхийлөгчийг томилох, Дээд шүүхийн шүүгчид нэр дэвшигчдийг танилцуулах зэрэг асуудал хэлэлцэх асуудлын дараалалд багтсан байна. Харин чуулганы үдээс хойшхи хуралдаанд Ерөнхий сайд Н.Алтанхуяг цаг үеийн асуудлаар гишүүдийн тавьсан асуултад хариулт өгөх аж.

Өнөөдөр Хууль зүй, Төрийн байгуулалт, Эдийн засгийн байнгын хороод хуралдах ажээ.  Байнгын хороодын хурлаар хэлэлцэх асуудлыг дор жагсаав.

1.Хууль зүйн байнгын хорооны хуралдаан 09.00 цагаас “А” танхимд:

Хэлэлцэх асуудал: Улсын Дээд шүүхийн шүүгчид нэр дэвшигчдийг танилцуулах тухай асуудал.

2.Төрийн байгуулалтын байнгын хорооны хуралдаан 10.00 цагаас “А” танхимд:

Хэлэлцэх асуудал: Сонгуулийн ерөнхий хорооны удирдлагыг чөлөөлөх, томилох тухай асуудал;

3.Эдийн засгийн байнгын хорооны хуралдаан 10.30 цагаас “Б” танхимд:

Хэлэлцэх асуудал: Монголбанкны Дэд ерөнхийлөгчийг томилох тухай асуудал.