Попын гүнж Бритни Спирсийн дүү Жейми Линн Спирс “Twitter”-тээ охиныхоо зургийг нийтэлсэн нь олны хайрыг татах болсон гэнэ. Бритнигийн бяцхан үеэл Мэдди поп гүнжийн “Baby One More Time” дууны клип дээрхтэй адилхан хувцасласан байна. Өдгөө дөрвөн настай Мэдди охин  үсээ хоёр сүлжин ягаан үслэг боолтоор боож, цагаан футболк, хар цамц өмсч, үзүүрийг нь урдаа зангидан, ягаан эрээн юбка өмссөн байжээ. 

Дуучин Бритни үеэлийнхээ ийн хувцасласан зургийг өөртэй нь адилхан харагдаж байна гээд “Мэдди үнэхээр өхөөрдөм охин” гэж бичсэн байна. Харин зарим хүмүүс бяцхан охин ингэж хувцаслах нь зохимжгүй гэсэн бол ихэнхи нь Мэддиг үнэхээр хайр татам харагдаж байна гэжээ. Бритни “Baby One More Time” хит дуугаа 1999 онд гаргасан юм. Бритнигийн дүү Жейми Линний тухайд охиныхоо хамт  Теннесси мужийн Нашвилл хотноо нам гүмхэн амьдарч байгаа аж.