Австралийн дуучин Кайли Миноуг үзэсгэлэн төгс байгальтай, Карнавалийн баяр, самба бүжиг, зочид буудал, жуулчдын далайн эрэг зэргээрээ дэлхийд алдартай  Бразилийн Рио-де-Жанейро хотод амарч буй ажээ. Харин өчигдөр тэрбээр тус хотын Ипанема далайн эргээр богино цагаан даашинзтай зугаалж яваад папараццичдын дуранд өртсөн байна. Дуучин бүсгүй гэрэл зурагчдын дурангаас эмээсэнгүй, харин ч шүтэн бишрэгчдийнхээ хүсэлтээр тэдэнтэй хамт зургаа авахуулжээ.

Өдгөө 44 настай дуучин бүсгүй хамт зургаа авахуулахыг хүссэн хоёр хүдэр эрийн гуйлтыг дуртайяа зөвшөөрч, нүцгэн нурууг нь тэврэн, инээмсэглэн зургаа даруулсан байна.