Америкийн хамгийн алдартай телевизийн хөтлөгч, тэрбумтан Опра Уинфри ирэх онд дэлгэцнээ гарах "The Butler" хэмээх кинонд дүр бүтээж байгаа гэнэ. Өдгөө 58 настай Опра Уинфри АНУ-ын “Цагаан ордон”-ны тухай өгүүлэх уг кинонд Ерөнхийлөгчийн эхнэрийн дүр бүтээж байгаа аж. Харин өчигдөр тэрбээр энэхүү киноны зураг авалтын үеэр авахуулсан зургаа “Twitter”-тээ байршуулж, хамтран тоглож буй жүжигчин Ли Даниелсэд талархаж буй тухайгаа бичсэн байна. Тэрбээр "The Butler" кинонд дүр бүтээхэд хамтран тоглогчийнх нь тус дэм ихээхэн хувь нэмэр болж буйг сайшаажээ. "The Butler" кино нь бодит түүхээс сэдэвлэсэн боловч зарим зүйлс нь уран сайхны хэтрүүлэгтэй юм байна. Уг кинонд 1952 оноос 1986 оны хооронд “Цагаан ордон”-д ажиллаж байсан АНУ-ын найман Ерөнхийлөгчийн тухай өгүүлдэг аж.