Дорнодын Матад сумын Тамсагийн талд газрын тосны олборлолт явуулж байгаа Хятадын 100 хувийн хөрөнгө оруулалттай "Петро Чайна Дачин Тамсаг" ХХК-тай холбогдох хэргийг Улсын дээд шүүхэд өнөөдөр хэлэлцэж, шүүх бүрэлдэхүүн дөнгөж сая шийдвэрээ танилцууллаа. Дээд шүүхээс анхан болон давж заалдах шатны шүүхийн шийдвэрийг хэвээр баталсан байна.

“Монголын байгаль хамгаалах иргэний хөдөлгөөнүүдийн эвсэл" ТББ-ын нэхэмжлэлтэй энэ хэргийг Баянзүрх дүүргийн шүүх болон давж заалдах шатны шүүхээс "Петро Чайна Дачин Тамсаг" компанийг байгаль орчинд хохирол учруулж, нөхөн сэргээх үүргээ биелүүлээгүйг тогтоож, 1,3 тэрбум төгрөгийг Матад сумын төсөвт оруулах шийдвэр гаргасан юм.