Монголын дартсын холбооноос сар бүр зохион байгуулдаг лигийн аварга шалгаруулах “Монгол лиг” тэмцээн болох гэж байна. Уг тэмцээнийг ирэх бямба гаригт “КА” ресторанд зохион байгуулахаар болжээ. Сар бүр уламжлал болгон зохион байгуулдаг тус тэмцээнд тамирчид найман бүс болж өрсөлддөг бөгөөд авсан оноогоо нэгтгэн жил бүрийн арванхоёрдугаар сард Улсын аварга шалгаруулах тэмцээндээ оролцдог ажээ. Тэмцээнд лигийн тамирчдаас гадна сонирхогч нар оролцож болдгоороо онцлогтой. Дашрамд сонирхуулахад, Монголд дартсын спорт 1990-ээд оны сүүлээс дэлгэрч эхэлсэн юм.