“Gangnam style” дуугаараа дэлхий нийтэд алдаршсан дуучин PSY өнөөдөр (X.04) Сөүл хотноо үнэгүй тоглолт хийх аж. PSY өөрийг нь дэмжиж байдаг эх орон нэгт солонгосчууддаа баярласан сэтгэлээ илэрхийлж, тэдэнд сэтгэлийн бэлэг болгон үнэгүй тоглохоор болжээ. Түүний “Gangnam style” дуу “Billboard”-ын шилдэг дууны жагсаалтын нэгдүгээрт бичигдэх эсэх хариу энэ өдөр гарах хэдий ч “Надад тийм ч чухал биш. Та нартаа баярлалаа” хэмээсэн байна. Түүний тоглолт Сөүл хотын төв цэнгэлдэхэд 22.00 цагт эхлэх бөгөөд 40-50 мянган иргэд цуглана гэсэн тооцоотой байгаа аж. Харин өнөөдөр Сөүл хотын захиргаанаас эх орныхоо нэрийг дэлхий дахинд дуурсгаж байгаа дуучин PSY-ийн үнэгүй тоглолтонд зориулан метро, автобусуудыг шөнийн 02.00 цаг хүртэл үйлчлэх шийдвэр гаргасан байна.