Залуу дуучин Адель “007” буюу Жеймс Бондын цувралын сүүлийн ангийн “Skyfall” дууг дуулахаа өнгөрсөн даваа гаригт өөрийн Twitter хуудсаараа албан  ёсооор мэдэгдсэн. Гэсэн ч тэрээр энэхүү шинэ уран бүтээлээ аравдугаар сарын 5-нд “0.07” сүүлийн цувралыг  дэлгэцэнд гарахаас өмнө олон нийтэд хүргэж чадахгүй бололтой.  Учир нь Аделийн Жеймс Бондын цувралын дуу шинэ клипийн хамтаар сарын дараа л сонсогчдын хүртээл болж, бэлэн болно хэмээн шүүмжлэгчид үзэж байгаа юм байна.

Түүнчлэн Адель өөрийн Twitter-т энэхүү шинэ уран бүтээлийнхээ ковер зургийг оруулсан нь дуу эцсийн байдлаар бэлэн болсон мэт сонсогчдыг төөрөгдөлд оруулж байна хэмээн зарим шүүмжлэгчид  үзэж байгаа аж. Гэсэн ч  магтаал шүүмжлэл аль алийг нь сонсч байгаа нэрт дуучны уг уран бүтээл дуу хөгжим сонирхогчдын дунд багагүй хүлээлт үүсгээд байгаа юм. Жеймс Бондын энэхүү сүүлийн цувралд жүжигчин Дэниэйл Крейг дахин тоглох юм байна. Өмнөх ангиудын цувралын дууг Алиша Кийз, Том Жонс, Лулу, Жек Уайт нар дуулж байжээ.