Аваргуудын лигийн 2012/13 улирлын хэсгийн хоёрдугаар тойргийн тоглолтууд эхэлж, E, F, G, H хэсгийн тоглолтууд өнгөрсөн шөнө боллоо. Эхний тоглолтдоо Италийн аваргуудтай тэнцсэн "Челси" энэ удаад Данийн "Нордшелленд" багийг 4:0 харьцаатай буулган авснаар "Шахтёр" клубын хамт дөрвөн оноотой "Е" хэсгийг тэргүүлж байна. Харин "Ювентус" талбай дээрээ "Шахтёр"-тэй тэнцэж, хоёр оноотой болов.

"F" хэсэгт "БАТЭ" Германы "Байерн Мюнхен" багийг буулган авснаар зургаан оноотой хэсгээ тэргүүлж байна. Удаахь байрт "Валенсия" болон "Байерн" нар тус бүр гурван оноотой бичигдэж байна. "G" хэсэгт "Барселона" 100 хувийн амжилттай байгаа бол "Селтик" дөрөв, "Бенфика" нэг оноотой болж байна. Харин "Н" хэсгийг Английн "Манчестер Юнайтед" клуб тэргүүлж, удаахь байрт "Клуж", "Брага" нар тус тус гурван оноотой бичигдэж байна.

E хэсэг:

"Нордшелленд" 0:4 "Челси" (Мата 33’,82’ ; Д.Луйз 79’ ; Рамирес 82’ )
"Ювентус" 1:1 "Шахтёр" (А.Тейксейра 23’ ; Л.Бонуччи 25’ )

F хэсэг:

"БАТЭ Борисов" 3:1 "Байерн Мюнхен" (А.Павлов 23’ ; В.Родионов 78’ ; Ф.Рибери 90″+1; Р.Брессан 90″+5)
"Валенсия" 2:0 "Лилль" ( Жонас 38’, 75’)

G хэсэг:

"Спартак Москва" 2:3 "Селтик" ( Г.Хүпэр 12’ ; Э.Эмэникэ 41’,48’ ; Д.Комбаров(а.г) 71’ ; Самарас 90’)
"Бенфика" 0:2 "Барселона" ( А.Санчэз 6’ ; Фабрегас 56’)

Н хэсэг:

"Клуж" 1:2 "Манчестер Юнайтед" ( П.Капетанос 14’ ; Ван Перси 29’,49’)
"Галатасарай" 0:2 "Брага" (Р.Микаэл 27’ ; Алан 90’+4)

ОНЦЛОХ ҮЙЛ ЯВДЛУУД:

• "Челси" клубын шинэ цэрэг В.Мозес Аваргуудын лигийн дебутээ хийлээ.
• "Байерн Мюнхен" клубын улирал эхэлснээс хойшхи ес дараалсан ялалтын буухиаг Беларусийн "БАТЭ Борисов" зогсоолоо.
• Шотландын "Селтик" клуб 1986 оноос хойшхи анхны Аваргуудын лигийн зочилж тоглосон тоглолтдоо ялалт байгууллаа.
• Багаа дэмжихээр ердөө 200 гаруй шотландчууд ОХУ-ыг зорьжээ.
• Алексис Санчезын гоол "Барселона" клубын UEFA-гийн бүх тэмцээнд оруулсан 800 дахь гоол байжээ.
• Мөн тэрбээр "Бенфика" клубын "Da Luz" цэнгэлдэхэд гоолдсон анхны "Барселона" клубын тоглогч болжээ.
• "Барселона" клубын ахлагч К.Пуйоль хоёрдугаар үед зүүн тохойгоо мулталж талбайг орхисон. Дөнгөж бэртлээсээ ирсэн түүний эргэж ирэх хугацаа тодорхой бус байна.
• "Барса" Аваргуудын лигийн 99 дэх хожлоо авсан бол "Манчестер Юнайтед" 100 дахь хожлоо авлаа.
• Ван Перси "Улаан чөтгөрүүд"-ийн өмсгөлтэйгээр анхны Аваргуудын лигийн гоолоо оруулав. Тэрбээр одоогийн байдлаар багийнхаа улирал эхэлснээс хойшхи оруулсан гоолуудын 40 хувийг оруулжээ.