Маргааш 11.00 цагаас Монгол Улсын Ерөнхий сайд, АН-ын дарга Н.Алтанхуяг тэргүүтэй АН-ын гишүүд, УИХ дахь АН-ын бүлгийн гишүүд, ардчиллын анхдагчид С.Зориг агсныг хүндэтгэн, хөшөөнд нь цэцэг өргөх гэж байна.

УИХ, Засгийн газрын гишүүн, ардчиллын алтан хараацай С.Зориг 1998 оны аравдугаар сарын 2-нд бусдын гарт амиа алдсанаас хойш 14 жил өнгөрч байгаа юм. Түүний хөшөөнд журмын нөхөд, хүндэлж явдаг хүмүүс нь жилд хоёр удаа, төрсөн өдөр, амь үрэгдсэн өдрөөр нь хүндэтгэл үзүүлдэг юм.