“Аравт” түүхэн киноны хөгжим эгшиглэх өдрүүд айсуй. Хөгжмийн зохиолч, продюсер, төгөлдөр хуурч Б.Чинбат түүхэн “Аравт” киноны хөгжмөөрөө үзэгч, сонсогчидтойгоо “АСА" циркт энэ сарын 17-19-нд уулзахаар болзоо тавиад байгаа билээ. Эх түүхээрээ бахархах, үр удмаараа омогших гурван үдэш тун удахгүй…
Тэгвэл Б.Чинбат тоглолтоо “Эзлэн” хэмээн нэрлэжээ. Эзлэх гэсэн үгнээс улбаатай энэхүү санаагаараа их хаан эзэн Чингисийн дэлхийн талыг эзэлж байсан эгэлгүй их гавьяа, үүнээс үүдэн урсан гарсан хөгжмийн яруу эгшиг хурсан олны сэтгэлийг эзэмдэхийг бэлгэдэн өгчээ.

“Ирээд сонс. Таны сэтгэлийг эх түүхийн хөгжим эзэмдэх болно, эзлэх болно. Эх түүхээрээ бахархцгаая” хэмээн зохион байгуулагчид амлаж байна.