Жүдочид Тайваниас арвин амжилттай ирэх нь ээ. Есдүгээр сарын 28-30-нд Тайванийн нийслэл Тайпей хотноо болсон жүдо бөхийн Ази тивийн залуучуудын аварга шалгаруулах зургаа дахь, өсвөрийн аварга шалгаруулах 13 дахь удаагийн тэмцээнээс Монголын цагаан өмсгөлтнүүд нийт долоон медаль хүртсэн байна.

Залуучуудын Азийн аваргад +100 кг-ын жинд барилдсан У.Дүүрэнбаяр алт, 63 кг-ын жинд Б.Ганхайч мөнгөн медаль хүртсэн бол өсвөрийн тэмцээнд Ц.Цогтбаатар /50 кг/, Б.Сумъяабазар /55 кг/, Г.Балсанлхүндэв /66 кг/, Э.Эрдэнэбилэг /81 кг/, Ц.Хулан /55 кг, эмэгтэй/ нарын тамирчид хүрэл медаль хүртсэн байна. Тэмцээнд дэлхийн 23 орны 300 гаруй жүдоч өрсөлдсөн бөгөөд дээрх амжилтаараа Монголын эрэгтэй баг гуравдугаар байрт шалгарчээ.