Дуучин  Whitney Houston-ий  гэгээн дурсгалд зориулан түүний шилдэг дуунуудаас бүрдсэн “The Best of Whitney Houston” цомгийг удахгүй худалдаанд гаргах юм байна.

“The Best of Whitney Houston” цомогт нь түүний “All the Man That I Need” , “I Will Always Love You” зэрэг 18 хит дуу багтаж байгаа бөгөөд  ирэх арваннэгдүгээр сарын 13-наас худалдаанд гарахаар төлөвлөжээ.  Мөн   түүний гэр бүлийнхэн буюу Pat, Gary, Bobbi Kristina нарын  продюсерласан түүний өнгөрсөн хугацаанд хийж бүтээж байсан бүхий л уран бүтээл болон хувийн амьдралыг харуулсан цуврал дурсамж  кино удахгүй гарна нь ээ.  Уг киног  “On Our Own”,  “Remembering Whitney” гэх бөгөөд  аравдугаар сарын 17-наас гарч эхлэх юм байна. Мөн энэхүү үйл ажиллагаануудад Usher, Jennifer Hudson, болон R. Kelly нар оролцож байгаа гэнэ.

Whitney Houston 1963 оны наймдугаар сарын 9-нд төрсөн бөгөөд 2012 оны хоёрдугаар сарын 11-нд   Beverly Hills дахь “Hilton” зочид буудалд харамсалтайгаар таалал төгссөн юм. Тэрээр өнгөрсөн хугацаанд нийтдээ долоон альбом,  есөн кино болон дэлгэцийн бүтээлд гол дүр бүтээж, дэлхийг тойрсон 10 аялан тоглолт  хийсэн чадварлаг дуучин, жүжигчин попын хатан хаан байсан юм.