Төрөөс мөнгөний бодлогын талаар 2013 онд баримтлах үндсэн чиглэлийн төслийг Монголбанкнаас өнөөдөр УИХ-ын даргад өргөн барьсан юм. Түүнд ирэх жил инфляцийг найман хувьд барих талаар тусгажээ. Мөн 2014-2015 онд инфляцийг зургаан хувьд барихаар төсөөлсөн байна.

Арилжааны банкуудын төлбөр, эрсдэл даах чадварыг дээшлүүлж хяналт шалгалтыг боловсронгуй болгох, Монголбанкны нээлтэй, ил тод байдлыг дээшлүүлэх төлөөр Мөнгөний бодлогын төсөлд тусгажээ.

Сая мөн УИХ-ын гишүүн, Хөдөлмөрийн сайд С.Эрдэнэ Нийгмийн даатгалын тухай хуульд нэмэлт, өөрчлөлт оруулах тухай хуулийн төслийг УИХ-ын даргад өргөн барилаа.