Монголын ууган “boy band” хамтлагуудын нэг “Номин талст” хамтлаг энэ жил 15 нас хүрч байгаа. Тэд ойдоо зориулан “Номин талст 15 жил” амьд тгололтыг өнөөдөр, маргааш хоёрхон өдөр “UB Palace”-ын концертын их танхимд 19.00 цагаас толилуулах гэж байгаа юм. Хэдэн сарын өмнөөс бэлтгэлдээ орж, фенүүдээ догдлуулсан тэдний тэсрэлтийг дэргэдээс нь мэдрэхэд хэдхэн цаг үлдлээ.

“Зуны үдэш амрагийн болзоонд” саатахдаа “Хайртай байсныг чинь мэдсэнгүй”. “Дурлалд би яараагүй ч” “Чамайг санахдаа” “Дурлаж бичсэн захидал” минь “Сүүлчийн удаа” биш гэдэгт итгэн, “Цас хаялсан үдэш”-ээр “Дурласан сэтгэл”-ээ нээнэ. Тэдний хит дуунууд үргэлжилсээр… “Номин талст”-ын 15 жилийн дурсамжаар аялан, тэдний шинэ уран бүтээлийн анхны үзэгчид болохыг хүсвэл өнөөдөр, маргааш хоёр өдөр эгшиглэх “Номин талст 15 жил” тоглолтод саатаарай.