“Монголын хөлбөмбөгийн холбооны цом-2012” тэмцээн есдүгээр сарын 5-15-ны хооронд Дулааны IV цахилгаан станцын урд байрлах “Эрчим” клубын талбай дээр болсон. Энэхүү тэмцээнд лигийн зургаа, сонирхогчийн дөрвөн баг нийт 10 багийн 200 гаруй манай улсын шилдэг хөлбөмбөгчид оролцсон билээ. Холбооны цомын аваргын төлөө “Эрчим” баг, “Хасын хүлгүүд” багууд шалгарч улмаар “Эрчим” “Хасын хүлгүүд”-ийг 1:1 (5:4)-ээр илүүрхсэн.

Хэдийгээр МХБХ-ын цомын тэмцээн болон “Нийслэл лиг” тэмцээний аваргаар “Эрчим” баг шалгарсан ч өнгөрсөн жилээс эхлэн зохион байгуулагдаж буй МХБХ-ны “Супер цом”-ийн төлөө “Эрчим” клуб дээрх тэмцээний дэд аварга “Хасын хүлгүүд” багтай хүч үзэхээр болсон. “Супер цом”-ын төлөөх тоглолт маргааш (09.30) 12.00 цагаас Дулааны IV цахилгаан станцын урд байрлах “Эрчим” клубын ногоон талбай болно.

“СУПЕР ЦОМ”-ын эзэн болсон баг улсаа төлөөлөн Азийн Хөлбөмбөгийн Холбооны “President Cup” тэмцээнд оролцох билээ.