Монголын хэвлэл мэдээллийн түүхэнд нэгэн шинэ хуудас нэмж буй  National Geographiс Mongolia төслийн нээлт 9-р сарын 28-нд Төрийн Ордны Ёслол Хүндэтгэлийн Цогцолборт  болох гэж  байна. Энэ арга хэмжээ нь нэгэн зэрэг дөрвөн үйл явдлыг тэмдэглэж байгаагаараа онцлог юм.  “National Geographiс”, “National Geographic Kids” сэтгүүлүүдийн нээлт мөн Үндэсний Газарзүйн Нийгэмлэгийн нэрт гэрэл зурагчдын “50 шилдэг гэрэл зураг”,  хүүхдийн танин мэдэхүйн “Жигтэй үнэн” үзэсгэлэнгүүдийн нээлт ийнхүү зэрэгцэн тохиож байна.

Эх дэлхий, сансар огторгуй, далай тэнгис, шинжлэх ухаан, түүх, соёл, технологийн бүхий л нээлтүүдийг багтаадаг дэлхийн сая сая уншигчидтай “National Geographiс”, “National Geographic Kids” сэтгүүлүүд монгол хэлээр уншигчдынхаа гар дээр очиход хэдийнээ бэлэн болжээ.

Нээлтийн хүндэтгэлийн арга хэмжээнд Монголын улс төрийн лидерүүд, бизнесийн хүрээнийхэн, эрдэмтэн судлаачид, олон улсын дипломат корпусынхан, соёл урлагийн зүтгэлтнүүдээс  гадна Вашингтон дахь Үндэсний Газарзүйн Нийгэмлэгийн дэд Ерөнхийлөгч, Азийн сангийн удирдах зөвлөлийн гишүүн Терренс Б. Адамсон, бизнес хөгжил хариуцсан дэд Ерөнхийлөгч Юлия Бойл, нэрт судлаач, археологич Фрэд Хибэрт, алдарт гэрэл зурагчин Марк Тиссэн, ҮГН-ийн музейн мэргэжилтнүүд хүрэлцэн ирж оролцож байгаа аж. 

Үндэсний Газарзүйн Нийгэмлэгийн нээлт бусад оронд ийм өндөр хэмжээнд зохиогдож байгаагүй бөгөөд Монголын нээлтэнд уг нийгэмлэг онцгой ач холбогдол өгч байгаа нь харагдаж байна.

Нээлтийн үеэр Судлаач Фрэд Хибэрт “National Geographic Mongolia” сэтгүүлийн редакцитай дугуй ширээний ярилцлага өрнүүлж мөн  гэрэл зурагчин Марк Тиссэн Монголын гэрэл зурагчдад зориулан уулзалт семинарыг удирдан явуулахаар болсон нь уран бүтээлчдийн сонирхлыг ихээхэн татаж байна.

Ийнхүү Монголын хэвлэлийн түүхэн дэх томоохон нээлтийг зохион байгуулж буй Ирмүүн Агентлагийнхан бэлтгэл ажлаа хангажээ.

National Geographiс, National Geographic Kids сэтгүүлийн захиалагч болвол ашгийн төлөө бус шинжлэх ухаан, боловсролын Үндэсний Газарзүйн Нийгэмлэгийн (National Geographic Society) жинхэнэ гишүүн болдог. Энэ нь  дэлхийн томоохон нийгэмлэгийн гишүүн болох хялбар болоод нэмэлт төлбөр авдаггүй хамгийн таатай арга юм. Сэтгүүлээ уншиж оюунлиг мэдээлэл авсан уншигч нийгэмлэгийн гишүүн болсноороо дэлхийн 188 оронд өрнөж буй судалгааны ажлууд, залуу эрдэмтэд, оюунлаг хүүхдүүд, ногоон ирээдүйн төлөө хөрөнгө оруулагч болдог нь бахархалтай хэрэг юм. Түүнээс гадна нийгэмлэгийн гишүүдэд  олон нэмэлт боломжуудыг эдлэх эрх нээгддэгээс  “National Geographic” болон “National Geographic Kids” –ийн гишүүд гэр бүлийн багцад хамрагдах боломжтой.

National Geographic-ийн гишүүн нь дараах боломж, давуу эрхийг эдэлнэ.

National Geographic-ийн гишүүн нь сар бүр шинэ сэтгүүлээ хаягаараа төлбөргүйгээр хүргүүлнэ.  
1.    Гишүүн болсноор:

• Үндэсний Газарзүйн Нийгэмлэгийн гишүүний сертификат, тэмдэгийг гардан авна.
• Алдартай гэрэл зургийн үзэсгэлэнгүүдийг үнэ төлбөргүйгээр үзэх урилгыг хүлээн авна.
• Жилийн турш National Geographic брэндийн дэлхийд алдартай газрын зургууд, болон бусад нэрийн дурсгалын зүйлс бэлгэнд авна.

2.    Шинэ соргог мэдээлэл, танин мэдэхүйн эксклюзив нийтлэлүүдийг дэлхийн бусад орнуудтай нэгэн цаг хугацаанд унших боломжтой болно.

3.    National Geographic нэрийн дор зохион байгуулагддаг дотоодын болон олон улсын төсөл хөтөлбөрүүдэд хамрагдана. 

4.    Нийгэмлэгийн үйл ажиллагааны хүрээнд төсөл хөтөлбөр санаачлах, нийгэмд дуу хоолойгоо хүргэх боломжтой.

1. Монгол хэлээр гарах  “National Geographic Kids” хүүхдийн сэтгүүлийг гар дээрээ авна.
2. Гишүүн болсноор National Geographic Kids брэндийн дурсгалын зүйлс бэлгэнд авна.
3. Шинэ жилээр бэлэг авна.
4. Зөвхөн гишүүн хүүхдүүд “National Geographic Kids” Монгол төслөөс зохион байгуулж буй дараах арга хэмжээнд хамрагдах эрхтэй: 

Гэр бүлийн гишүүнчлэлд элсч буй гэр бүлүүд дээрх боломжуудыг хамтад нь эдлэхээс гадна хамгийн их  урамшууллыг авах эрх нээгдэнэ.

Хаана, хэзээнээс бүртгүүлж болох вэ?

Дараах цэгүүдээр дамжуулан гишүүнчлэлд элсэх боломжтой.

2012. 09. 28 – 2012. 10.18:

• Ирмүүн компаний байр
• Улсын Их Дэлгүүрийн 1-р давхар

2012. 09. 29 – 2012. 10.18:

• Төрийн Ордны Ёслол Хүндэтгэлийн Цогцолборт дэлгэгдэж буй үзэсгэлэнгийн танхимд
• Sky Их Дэлгүүр

2012. 09. 29 – 2012. 10.18:

• Central Tower-ийн 3-р давхарт байрлах номын дэлгүүр зэрэг ажил гэртээ ойр гишүүнчлэлийн цэгийг сонгоорой.

2012. 09. 28 – 2012. 10.18 хооронд National Geographic Mongolia 9-37% -ийн гишүүнчлэлийн урамшуулал  зарлаж анхны гишүүддээ онцгой бэлэг барьж байна.

Гишүүнчлэлийн талаарх дэлгэрэнгүй мэдээллийг: 88110890, 99770707, 99016154, 99049143

Үндэсний Газарзүйн Нийгэмлэг нь гишүүдийнхээ дэмжлэгтэйгээр инкүүдийн орхигдсон хот Мачу Пикчу, Фараон Тутанхамоны булш, Титаник хөлөг онгоцны хайгуул, Жак Ив Кустогийн далайн гүний судалгаа, динозаврууд, хойд, өмнөд туйлын экспедициуд зэрэг 10 мянга гаруй хайгуул, судалгаа, шинжилгээний төслийг ивээн тэтгэсэн юм.

ДЭЛХИЙН 188 ОРНЫ 400 САЯ УНШИГЧИЙГ НЭГТГЭСЭН ОЮУН САНААНЫ ХЯЗГААРГҮЙ УУДАМ ЕРТӨНЦӨД ТАВТАЙ МОРИЛНО УУ!

Бидэнтэй нэгдээрэй: http://www.facebook.com/NGMongolia