2.1 сая ам.долларт багтаж буй WTA-н цуврал болох “Toray Pan Pacific Open” тэмцээн Японы Токио хотноо үргэлжлэн явагдаж байна. Өнөөдөр шигшээ наймын тоглолтууд болж, хагас шигшээд өрсөлдөх теннисчид эхнээсээ тодорч байна. Тус тэмцээнд хоёр удаа түрүүлсэн (2005, 2009) ОХУ-ын теннисчин Мария Шарапова Чехийн Сафароваг 6:2, 7:6-аар буулган авснаар хагас шигшээд шалгарахын тулд Австралийн тэргүүн теннисчин Саманта Стосуртай тоглосон. Тэдний тоглолт 1 цаг 54 минут үргэлжиж өнгөрсөн жилийн Америкийн нээлттэй тэмцээний аварга Стосурын ялалтаар өндөрлөлөө. Саманта Стосур 6:4, 7:6 (12:10)-г хоёр үеийн турш Шараповаг илүүрхэж хагас шигшээд шалгарлаа. ОХУ-ын Надия Петрова Италийн Сара Эрринаг (17) 3:6, 7:6, 6:3-аар илүүрхэж шигшээд шалгарах эрхийн төлөө Шаравповаг буулган авсан Австралийн Саманта Стосуртой оноолт таарчээ.

Өнгөрсөн долоо хоногт БНСУ-ын Сөүл хотноо болсон “Hansol Korea Open”-д тэргүүлсэн Данийн Каролина Возняцки (10) Хятадын Ли На-г 4:6, 6:3, 6:4-өөр илүүрхэж Польшийн Агнешка Радваньска (3) оноолт таарсан. Тэдний тоглолт хоёр сэт (6:4, 6:3) үргэлжиж Радваньскагийн ялалтаар өндөрлөсөн байна. Радваньска шигшээд шалгарах эрхийн төлөө Германы Кербертэй оноолт таарлаа.

WTA-н топ арван теннисчний ес нь оролцож буй тус тэмцээний шигшээ наймд долоо нь шалгарсан байна.

• Беларусын Виктория Азаренка (1) – Германы Анжелья Кербер (5) wow
• Польшийн Агнешка Радваньска (3) –  Данийн Каролина Возняцки (10) 6:3, 6:4
• Италийн Сара Эррина (6) – ОХУ-ын Надия Петрова (17) 6:3, 6:7, 3:6
• ОХУ-ын Мария Шарапова (2) – Австралийн Саманта Стосур (8) 4:6, 6:7

1984 оноос эхлэн зохиогдож буй тус тэмцээний 29 дэх аварга ирэх ням гаригт тодрох бөгөөд тэргүүлсэн теннисчин 385 мянган ам.доллар хүртэж, чансааны 900 оноог хүртэх бол хосын аваргууд 110 мянган ам.долларын шагнал хүртэх ажээ.