БНСУ-д томоохонд тооцогдох “BIG STAR ENTERTAINMENT” продакшны “бүтээл” “BBde Girl” хэмээх охидын хамтлаг анхны дуугаа өнөөдрөөс цацаж эхэллээ. “Bbde Girl” хамтлаг зургаан гишүүнтэй бөгөөд Lyulin (Лхамжав) хэмээх монгол охин дуулж байгаа нь олны талархлыг хүлээгээд байгаа билээ.

Тус хамтлагийн анхны дууг ЭНД дарж сонсоно уу.

Дашрамд сонирхуулахад, 1991 онд төрсөн Лхамжав бага сургуулиа төгсөн солонгост ирсэн бөгөөд хүүхэд насны хүсэл мөрөөдлөө биелүүлэн Солонгосын поп урсгалд хөл тавилаа. Монгол гаралтай анхны дуучин солонгос улсын хөгжмийн ертөнцөд бүл нэмж буйг энтертайнментын зүгээс мэдэгджээ.

Лхамжав нь SBS телевизийн “Гайхамшигт ялалт” уралдаант шалгаруулалтад орж өндөр үнэлгээ авч байжээ. Түүгээр ч барахгүй Африк тивд болсон 2010 оны хөлбөмбөгийн дэлхийн аварга шалгаруулах тэмцээний үеэр Өмнөд солонгосын шигшээ багийг хөгжөөн дэмжихдээ Английн BBС агентлагийн сурвалжлагчийн (Кристан) дуранд өртөж байжээ.

“Bbde Girl” хамтлагийн фото агшинг ЭНД дарж үзнэ үү.