“Grammy Award”-ын шагналт шилдэг эмэгтэй дуучдын нэг, Алиша Кийз өнгөрсөн даваа гаригт Манчестерт болсон “MTV Crashes Manchester” шоунд оролцжээ. Уг арга хэмжээнд Алишагаас гадна Английн алдартай дуучид, уран бүтээлчид мөн оролцож, үзэгчдэд уран бүтээлээ хүргэсэн байна. Шоунд оролцсоныхоо дараа Алиша “Миний сэтгэл маш их хөдөлж байна. Учир нь фэнүүдтэйгээ халуун дотноор уулзаж уран бүтээлээсээ хүргэхэд надад маш сайхан байна” хэмээн өөрийн Twitter-т бичжээ. Мөн тэрбээр “MTV Crashes Manchester”-ийн “Mercury Prize” шагналыг залуу дуучин Лианн Хавас Лад гардуулан өгсөн байна. Шагнал гардуулах ёслолын дараа Алиша өөрийн хамгийн сүүлд гаргасан “Girl On Fire” цомгийнхоо уран бүтээлээс дуулж, үзэгчдэд бэлэг барьжээ. Алиша сүүлийн үед нэрт дуучин Бейонситой хамтран нэгэн шинэ уран бүтээл хийхээр төлөвлөж байгаа гэнэ. Түүнчлэн тэрбээр энэ сарын 28-нд болох “iTunes Festival”-д уригдсан аж.