Сингапурын Сентоза арлын цагдаа нар хулгай, залилан, зээлийн карт хууль бусаар ашигласан хэрэгт сэжиглэн гурван монгол залууг баривчилсан тухай тус улсын www.today.com сайтад мэдээлжээ. Сэжигтэн этгээдүүд 24-34 насны эрчүүд гэнэ. Цагдаа нарын мэдээлснээр тэд өнгөрсөн зургадугаар сарын 26-30-ны хугацаанд удаа дараа хулгай хийсэн тухай мэдээллүүд тус цагдаагийн газарт ирсэн бөгөөд хулгайлсан зээлийн картаараа худалдаа хийсэн нь тогтоогджээ.

Цагдаа нар тэднийг өнгөрсөн ням гаригт Сингапурт байхад нь баривчилж, хулгайлсан зээлийн карт, эд юмсыг тээшнээс нь олсон байна. Хулгай, залилан хийсэн хэрэгт сэжиглэгдэж буй гурван залууг шүүх шүүх хурал маргааш болох гэнэ.