Монголын хошин урлагийн ахмад үеийн төлөөлөл болсон Гавьяат жүжигчин Л.Чаминчулууны нэрэмжит “Үгээр урлахуй” уралдааныг анх удаа  зохион байгуулахаар болжээ. Уралдаанд соёл урлагийн мэргэжлээр суралцаж буй оюутан залуус оролцох нь ээ.

Уралдааныг соёл урлагийн их сургуулийн театр урлагийн тэнхимээс зохион байгуулж байгаа бөгөөд соёл урлагийн мэргэжлээр суралцаж буй оюутан залуусын дунд өрнөх юм байна. Оролцогчид уг уралдаанд үргэлжилсэн үг, яруу найраг, хошин зохиол гэсэн гурван шатанд өрсөлдөн шилдгээ тодруулах нь ээ.

Уралдааны зорилго нь ярих урлагийн дээд хэлбэр болсон уран уншлагаар дамжуулан залуусын оюун ухааныг хөгжүүлэх, урнаар бодох, сэтгэх, уран ярьж сургах үүрэгтэй  аж.  Мөн уншлагын шинэ хэлбэр, ур чадварыг нээх, тодруулах, бие бинээсээ харилцан суралцах зорилготой гэнэ.  “Үгээр урлахуй” уралдааний бүртэл ирэх аравдугаар сарын 1-нээс эхлэн 10-ныг хүртэл Соёл урлагийн их сургуулийн байранд явагдах ба аравдугаар сарын 17, 18-нд “Үгээр урлахуй” уралдаан болох юм байна.