Увс аймгийн Онцгой байдлын хэлтсийн хамт олон 2011 онд ОХУ-д үйлдвэрлэгдсэн КАМАЗ маркийн цоо шинэхэн гал унтраах авто машиныг аймгийн удирдлагуудаас гардан авчээ. Энэхүү машин нь 22 төрлийн 62 багажтай, аваарын дохиолол сайтай, 350 литр түлш, таван тонн ус, 350 л хөөсний савтайгаас гадна долоон хүний суудалтай, бартаа зам туулах чадвартай, бүх зүйл нь автоматаар ажилладаг гэнэ. Гал сөнөөгчид маань орчин үеийн техник хэрэгслээр ханагдсандаа сэтгэл  өндөр байгаа гэнэ.