Сүүлийн үед реп дуучин Psy-ийн “Gangnam style” дуу хөгжмийн ертөнцөд ихээхэн шуугиан тариад байгаа билээ. Энэ дууг Өмнөд Солонгосоос эхлээд дэлхий дахинаа 269 сая хүн “Youtube” сайтаар үзжээ. Одоо энэ видео 2,6 сая хүмүүст таашаагдсан гэдгээрээ дэлхийн Гиннесийн рекордыг эвдээд байгаа юм.

Эрвээхий зангиа, цэнхэр костюмаар гоёсон 34 настай реппер Psy морины явдал дээр үндэслэсэн уламжлалт хөдөлгөөнөөрөө ийнхүү дэлхийн рекордыг эвдээд амжжээ. Өмнөд Солонгос болоод Америкийн нэгдсэн Улсад түүний энэхүү дууг дуурайж өөрсдийн хувилбараа гаргасан байна. Өмнө нь Psy Ellen DeGeneres –ийн talk шоунд Бритни Спирсийн хамтаар уригдан оролцохдоо энэ бүжгээ түүнд зааж өгсөн.

Австралийн жуулчин Ameila Melocco “Gangnam style бол маш сонирхолтой, гоё бүжиг” гэж ярьсан бол Европын жуулчин Shak Batyrov “Ихэнх залуучууд энэ дууны инээдэмтэй видео, цохилтод дуртай байгаа. Энэ дуу club хөгжим, дууны төрөл болохоор хүмүүс дуртай байдаг. Бас энэ дуу үнэхээр хөгжилтэй дуу” гэжээ.

“Gangnam style” дууны клип өнгөрсөн долдугаар сарын 15-нд гарч эхэлсэн ч өнөөдөр мэдэхгүй, дурлахгүй хүнгүй болжээ.

Гиннесийн мэдээлж буйгаар,  “Gangnam style”-ын хамгийн ойрын өрсөлдөгч буюу Youtube-ээр хамгийн олон “like” цуглуулсан видео гэвэл LMFAO хамтлагийн “Party Rock Anthem” 1,574,963 like-тай, Justin"s Bieber-ийн  “Baby” 1,327,147 like-тай, Adele-ийн “Rolling in the Deep” 1,245,641 like-тай байгаа гэнэ.

“iTunes chart”-д "Gangnam Style”  бол дэлхийн 31 орны номер нэг дуу юм” хэмээн бичжээ. Харрн реппер Psy энэ мэдээг сонсмогцоо твиттер хуудсандаа “Дэлхийн 31 орны номер нэг itunes. Ямар гайхалтай юм бэ,  Gangnam style!!!!” гэж бичсэн байна.