АНУ-ын армийн бэлтгэл болон одоо алба хааж байгаа цэргийн албан хаагчид 2011 оны чухал зохион бүтээлийг сонгон шалгаруулжээ. Энэ тухай Defence Talk өгүүлжээ.

Зохион бүтээлийн жагсаалтад өндөр тусгалтай 120 мм-ийн мина харвагчийн сум, шлем малгайд байрлуулсан цэргийн биеийн байдлын талаар мэдээлэх мэдрэмжийн төхөөрөмжүүд, олон талын зориулалтын OH-58 Kiowa Warrior нисдэг тэрэгнээс нисгэгчгүй онгоцыг удирдах аппаратууд, 12,7 миллиметрийн калибрийн M2A1 пулемёт, мөн гар хийцийн тэсрэх төхөөрөмжөөс цэргийн албан хаагчийн сүүжин хэсгийг хамгаалах цогцолборын систем (Pelvic Protection System)  зэрэг оржээ. Ялагч нарыг шагнах ёслол ирэх жилийн хавар болно.