Сонгогчийн нэрсийн жагсаалт,
бүртгэлийн хяналтын дэд хорооноос өнөөдөр 14.00 цагт “Сонгогчийн
бүртгэл, хяналтын тулгамдсан асуудал, шийдвэрлэх арга зам” сэдвээр
нээлттэй сонсгол зохион байгуулах гэж байна. Нээлттэй сонсголыг тус дэд
хорооны дарга Ж.Батзандан даргалж, УИХ-ын дарга З.Энхболд оролцохын
зэрэгцээ Улсын бүртгэлийн ерөнхий газрын даргын үүрэг гүйцэтгэгч
Ц.Пүрэвдорж илтгэл тавих юм. Мөн дээрх арга хэмжээнд Сонгуулийн ерөнхий
хороо, улстөрийн нам, иргэд сонгогчдын төлөөлөл оролцох бөгөөд сонсгол
Төрийн ордны “Б” танхимд болох юм.