ЭМШУИС-ийн Дорноговь аймаг дахь салбар сургуулийн 50 жилийн ойд
зориулсан наадам есдүгээр сарын 20-нд Сайншанд хотод болж өнгөрлөө. Ойн
барилдаанд аймаг сумын цолтой 32 бөх зодоглосноос Дорноговь аймгийн
Мандах сумын харъяат Хутагтын хүчтэн дэвжээ, "Төмөр транс" ХХК-ний бөх
аймгийн арслан Ё.Эрдэнэжаргал түрүүлж, Өргөн сумын харъяат Хутагтын
хүчтэн дэвжээний бөх аймгийн начин С.Дорждагва үзүүрлэв. Шөвгийн дөрөвт
Архангай аймгийн Батцэнгэл сумын харъяат Алдар спорт хороо, Бөхбилэгт
дэвжээний бөх аймгийн арслан Л.Шинэбаатар, Завхан аймгийн харъяат сумын
заан Мөнхтогтох нар шалгарчээ.