Амьд хөгжмийн “A Sound” хамтлаг өнөөдөр, маргааш хоёр өдөр “SS” клубт 19.00 цагт “Зуун наст” нэртэй хоёр дахь бие даасан тоглолтоо эгшиглүүлэх гэж байна.

Тэд анхны бие даасан “Release” тоглолтоо хийснээс хойш хэдийнэ дөрвөн жил өнгөрсөн учраас дараагийн тоглолтоо хэдийгээр тавих бол хэмээн фенүүдийнх нь дунд хүлээлт үүсээд байсан юм. Гэхдээ энэ хугацаанд тэд зүгээр суугаагүй. Шинэ цомгоо гарган олон ковер тоглолтоор үзэгч, сонсогчидтой уулзсан юм. Тэгвэл энэ үдшийн тоглолтод тус хамтлагийн хоёр цомгийн дуунууд бүгдээрээ эгшиглэх нь ээ. Хөгжмийн гоё дуугаралтыг дэргэдээс нь мэдэрч, “A Sound”-ын дуунуудтай уярч, догдлон, хамтдаа доргихыг хүсвэл “Зуун наст” тоглолтыг зориорой.