Дэлхийн олон оронд хит болж, жинхэнэ шуугиан дэгдээж буй солонгос рэппер PSY-гийн “Gangnam Style” дуу болон морь унаж буйг элэглэсэн хачин бүжиг дэлхийн хамгийн хаалттай улс Хойд Солонгост дэлгэрч байгаа гэнэ. Харин Хойд Солонгос барууны холбоотон өмнөд хөршөө элэглэхээ мартаагүй бөгөөд Uriminzokkiri гэх сайтад “Gangnam Style” клипийн өөр нэг хувилбарыг тавьж,  рэппер PSY-гийн зургийг БНСУ-ын ерөнхийлөгчийн сонгуульд нэр дэвшигч Park Geun-hye-гийн зургаар сольсон аж. Хойд Солонгос маягийн  “Gangnam Style” дуу  Park-ын аавыг элэглэн шоолсон утгатай гэнэ. Нэр дэвшигч Park Geun-hye нь БНСУ-ын ерөнхийлөгчийн өнгөрсөн сонгуульд саналын тоогоор тэргүүлж байсан ч аавынхаа улс төрийн үзэл баримтлалаас болж хүчтэй шүүмжлэлд өртсөн аж. Түүний аав харгис дарангуйлагч гэгдэж байсан ч Солонгосын дайнаас хойшхи эдийн засгийн хөгжилд чухал үүрэг гүйцэтгэсэн гэх хүмүүс ч байдаг гэнэ.

“Gangnam Style” видео клипийн эх хувийг үзсэн интернэт хэрэглэгчдийн тоо одоогоор 220 саяд хүрээд байгаа гэнэ.