Өнгөрсөн бямба гаригт нийслэлийн хэмжээнд 148 хүнийг эрүүлжүүлж, иргэд, байгууллагаас гэмт хэрэг, зөрчлийн тухай 537 мэдээлэл  хүлээн авч шалгахад гэмт хэргийн шинжтэй 48 үйлдэл бүртгэгдсэн байна. Үүнээс бусдын биед гэмтэл  учруулсан дөрөв, хулгайн найм, танхайн долоо, тээврийн хэрэгслийн аюулгүй байдлыг зөрчсөн хэрэг 21  гарсныг холбогдох байгууллагууд шалгаж байна.  

Харин ням гаригт нийслэлийн хэмжээнд 161 хүн эрүүлжүүлэгдэж, иргэд, байгууллагаас гэмт хэрэг, зөрчлийн тухай 591 мэдээлэл  хүлээн авч шалгахад гэмт хэргийн шинжтэй 56 үйлдэл бүртгэгджээ. Үүнээс бусдын биед гэмтэл учруулсан дөрөв, хулгайн найм, дээрмийн нэг, танхайн найм, хөдөлгөөний аюулгүй байдлыг зөрчсөн хэрэг 26 гарсныг холбогдох байгууллагууд шалгаж байна.

Мөн энэ өдөр  Сонгинохайрхан дүүрэгт архи, согтууруулах ундаа хэтрүүлэн хэрэглэсэний улмаас нэгнийгээ амь насыг нь хөнөөсөн хэрэг гарсан бөгөөд хэргийг тус дүүргийн цагдаагийн хэсгийнхэн шалгаж байна.

П.Наран