Аваргуудын лигийн хоёр дахь өдөр тун сонирхолтой өрнөсөн юм. Олны таамаглаж байснаар Европын томоохон багууд хожигдол амссангүй.

Аваргуудын лигийн “Е” хэсэгт гал гарсан тоглолто болсон нь Челси-Ювентус багуудын тоглолт байлаа. Челсид ирсэн шинэ цэрэгүүд болох Оскар, Хазард нарын тогтлолт, Ювентус багийн гайхалтай тоглолтууд эргэн сэргэсэн эсэхийг харах нь энэ тоглолтыг амтыг нэмж байсан нь тодорхой. Челситэй хамт томоохон тэмцээнд анх удаа талбайд гарсан Оскар гайхалтай тоглолт үзүүлж Ювентус багтай тэнцсэн юм. Тоглолт эхэлснээс хойш хоёр багууд харилцан довтлолцож байсан ч тоглолтын эхний гоолыг 31 дэх минутад Челсигийн шинэ цэрэг Оскар орууллаа. Харин дараагийн гол ердөө хоёрхон минутын дараа орсон юм. Хэргийн эзэн нь дахиад л Оскар байлаа. Челсиг гоолын баяраа тэмдэглээд удаагүй байтал тоглолтын 38 дахь минутад Ювентус багийн хагас хамгаалагч Артуро Видал нэгэн гоёмсог гоолыг оруулсан юм. Харин тэнцээний гоолыг тоглолт дуусахаас 10 минутын өмнө Куалиарелла оруулснаар тоглолт 2:2-ийн харьцаатай эвий гэрээгээр өндөрлөлөө. “Манай багаас Оскар өнөөдөр маш сайн байлаа. Тоглолтын чанар сайн байсан ч тэнцээ бидний хувьд хангалтгүй үзүүлэлт” гэж Челси клубын менежер Роберто ДиМатео ярьсан юм. Энэ хэсэгт багтсан өөр нэг баг болох Украйны лигийн аварга Шахтёр Донецк клуб, Данийн даруухан баг Норселандтай тоглож 2:0-ийн харьцаатайгаар хожсон юм. Одоогий байдлаар Е хэсгийг Шахтёр Донецк клуб 3 оноотой тэргүүлж байгаа бол Ювентус, Челси клубууд тус бүр нэг оноотой удаалж байна.

Барселона клуб Аргентиний довтлогч Лионел Мессигийн хоёр гоолын ачаар Оросын Спартак Москва клубыг буулгаж авлаа. Каталончуудын нэр төр гэгддэг Барса клуб 82 дахь минутыг хүртэл 2:1-ээр хожигдож байсан юм. Харин сүүлийн 18 дахь минутад Лионель Месси гайхалтай тоглож хоёр гоолыг дараалж оруулснаар ялалт байгуулжээ. Тоглолтын 14 дэх минутад Барса клубын тоглогч Кристиан Телло гоол оруулж тооны харьцааг нээсэн юм. Эхний гоол орсноос 15 минутын дараа Барса клубын хамгаалагч Дани Алвес авто гоол оруулснаар тооны харьцаа тэнцжээ. Эхний үед үүнээс өөр гоол орсонгүй. Харин хоёрдугаар үед эхлээд тун удаагүй байтал тоглолтын 59 дэх минутад зочин багийн Ромула гайхалтай гоол оруулж тоглолтын тооны харьцаа 2:1 бол зочин баг тэргүүлж эхлэв. Үүнээс хойш Барса клубынхэн тооны харьцааг тэнцүүлэх гэж удаа дараа оролдсон боловч нэг л чадахгүй байлаа. Харин тоглолтын 72 дахь минутад эхний гоолын эзэн Телло, Лионель Мессид дамжуулалт өгч тооны харьцаа тэнцсэн юм. Тэнцээний гоол орсноос ердөө 6 минутын дараа Лионель Месси дахин гоолдож энэ тоглолтын эцсийн цэгийг тавьжээ. Энэ удаад Аргентины супер довтлогч Мессид, Алексис Санчез дамжуулалт өгсөн байна. “Бид энэ удаад өөрсдийнхөө алдаанаас болж хүнд байдалд орох шахлаа. Гэхдээ эцсийн үр дүн сайн байсан гэхэд болно. Харин одоо Москвад болох тоглолтод бид өнөөдрөөс огт өөр тоглох шаардлагатай” гэж Барса клубын ерөнхий менежер Тито Вияанова ярьжээ. Энэ хэсгийн өөр тоглолт Португалийн Бенфика, Шотландын Селтик багийн хооронд болсон ч гоолгүй тэнцэж хоёр оноог хувааж авсан юм.

Аваргуудын лигийн “Н” хэсгийн тоглолтоос хамгийн сонирхолтой болсон нь Манчестер-Галатасрай багуудын хооронд өрнөсөн тоглолт байлаа. Олонхи мэргэжилтнүүд Манчестер клубыг төвөггүй хожино гэж таамаглаж байсан ч Манчестерээс цорын ганц гоолыг оруулж ялалт байгуулсан юм. Туркийн Галатасрай клуб бөмбөг эзэмшилтийн хувиараа Манчестер клубээс бага зэрэг илүү байжээ. Тоглолтын цорын ганц гоолыг 7 дахь минутад шинэ цэрэг Шинжи Кагавагийн дамжуулалтаар Майкл Каррик оруулсан байна. Хэдийгээр Манчестер клубээс удаа дараалан цохилтыг хийж байсан ч тэр бүр амжилтыг олоогүй юм. Манчестет Клуб энэ удаагийн тоглолтод ялалт байгуулснаар Сер Алекс Фергюсон 100 дахь түүхэн ялалтаа байгуулсан билээ. “Манай багийнхан дундаж тоглолтыг үзүүллээ. Гоол оруулах хэд, хэдэн сайхан боломж үүсгэсэн ч бид түүнийг ашиглаж чадсангүй” гэж Манчестер клубын ерөнхий менежер Алекс Фергюсон ярьсан юм. Энэ хэсгийн өөр нэгэн тоглолт Руминын аварга Клюж, Португалын Спортинг Брага клубын хооронд болж Румины аваргууд ялалт байгуулж шуугиан дэгдээлээ. Спорт сонирхогчид Брага клубын хожино гэж таамаглаж байсан ч Клюж гайхалтай тоглолт үзүүлснээр ийнхүү ялалт байгуулсан юм.