Замын хөдөлгөөний ачааллыг бууруулах цогц арга хэмжээний хүрээнд нийслэлийн төв зав буюу Зүүн дөрвөн замас 25 дугаар эмийн сангийн уулзвар хүртэлх автозамын нэгдүгээр эгнээгээр зөвхөн нийтийн тээврийн хэрэгсэл зорчиж байсан билээ. Тэгвэл есдүгээр сарын 24 буюу ирэх даваа гаригаас эхлэн нийтийн тээврийн хэрэгсэл зорчих нэгдүгээр эгнээг Саппоро хүртэл сунгахаар болсон байна. Ингэснээр Зүүн дөрвөн замын уулзвараас Саппоро хүртэлх автозамын нэгдүгээр эгнээгээр зөвхөн нийтийн тээврийн үйлчилгээнд ажиллаж буй автобус, троллейбус, мөн дунд сургуулийн сурагчдыг тээвэрлэх автобус зорчих болж байгаа юм.