Тайланд улсаас тусгай зөвшөөрөлгүйгээр эм, эмнэлгийн хэрэгслийн импортлох эрх олгогдоогүй эмийн сангаас  бүтээгдэхүүн нийлүүлсэн, сувилагчийн мэргэжилгүй, хоёр иргэнийг сувилагчийн орон тоон дээр ажиллууллан сахилгын ноцтой зөрчил гаргасан гэсэн үндэслэлээр ажлаас халагдсан Х.Хулангийн хэргийг Нийслэлийн шүүхэд дөнгөж сая хэлэлцэж дууслаа.

Шүүх бүрэлдэхүүн хэлэлцээд, анхан шатны шүүхийн шийдвэрийг үндэслэлгүй гэж үзэн түүнийг ажилд нь эргүүлэн томилох шийдвэрийг цуцалсан байна.

Тэрээр анхан шатны шүүх буюу Чингэлтэй дүүргийн шүүхэд хандан “хийсэн буруугүй тул, ажилдаа эргэн орох”-ыг хүсч өргөдөл гаргасан юм. Түүнийг хэргийг Чингэлтэй дүүргийн шүүхэд өнгөрсөн  долдугаар сарын 19-нд шүүж, Хөдөлмөрийн тухай хуулийн 128 дугаар зүйлийн 128.1.2-т заасныг баримтлан Х.Хуланг Наркологийн эмнэлгийн ерөнхий эмчийн ажилд эгүүлэн тогтоож шийдвэрлэжээ.

Энэхүү шийдвэрийг үл зөвшөөрөн НЭМГ-ын гаргасан давж заалдах гомдлоор Нийслэлийн шүүх ийнхүү хэлэлцсэн байна.