Мотоциклийн тойрог замын уралдааны шилдгүүдийн нэг, Австралийн тамирчин Кейси Стоунер улирлын төгсгөлд зодог тайлахаар шийдсэн тухайгаа өнгөрсөн тавдугаар сард мэдэгдсэн билээ. Гэхдээ тэрбээр спортоос бүрмөсөн хөндийрөхгүй, ирээдүйд авто уралдаанд хурд, хүч сорих төлөвлөгөөтэй гэнэ. Өдгөө 26 настай тэрбээр уралдааны үеэр гэмтэл авч, шагайндаа мэс засал хийлгэсэн бөгөөд гэмтлээ эдгээж, биеэ тэнхрүүлэхээр спортоос түр завсарлаад байгаа билээ.

Тэрбээр Австралийн “Channel Seven” телевизэд өгсөн ярилцлагадаа “Би авто уралдаанд өрсөлдөнө. Энэ миний удаан хугацааны мөрөөдөл минь байсан” хэмээн ярьсан байна.