Монгол Улсын Гавьяат тамирчин Ц.Энхжаргал өнөөдөр хэвлэлийнхэнд мэдээлэл хийхээр болжээ. Чөлөөт бөхийн эмэгтэйчүүдийн насанд хүрэгчдийн дэлхийн аварга шалгаруулах тэмцээн энэ сарын 27-29-ний өдрүүдэд Канадад болох юм. Гэтэл тус тэмцээнд оролцохоор бэлтгэл, сургуулилтаа базааж байсан тэрбээр холбооны удирдлагуудын шийдвэрээр дэлхийн аваргад өрсөлдөх боломжгүй болоод байгаа аж. Тиймээс Гавьяат тамирчин Ц.Энхжаргал Монголын чөлөөт бөхийн холбоо ДАШТ-нд оролцох тамирчдаа шударга сонгож чадсан эсэх асуудлыг хөндөхөөр болсон байна.

Ц.Энхжаргал гавьяатын хувьд 2005 оны дэлхийн аварга шалгаруулах тэмцээнээс Монголын чөлөөт бөхийн эмэгтэй тамирчдын анхны медалийг /хүрэл/ хүртэж байсан билээ.

Хэвлэлийн бага хурал "Монгол ньюс" мэдээллийн төвд 13.00 цагаас болох юм байна.