“MTV”-гээс жил бүр зохион байгуулдаг “MTV EMA” буюу “MTV Europe Music Awards” наадмын 19 дэхь удаагийн шалгаруулалт ирэх арваннэгдүгээр сарын 11-нд Германы Франкфурт хотын Фестхаллед зохиогдох гэж байна. Өчигдөр уг наадамд өрсөлдөж буй нэр дэвшигчид тодорчээ. Энэ удаагийн “MTV EMA” наадамд сүүлийн үед дэлхий дахинд “Gangnam Style” дуугаараа Өмнөд Солонгосын дуучин “PSY” оны шилдэг видео номинацид анх удаа нэр дэвшсэнээрээ онцлог юм. Харин уг наадамд дуучин Рианна "We Found Love" дуугаараа шилдэг дуу, шилдэг эмэгтэй дуучин, шилдэг поп болон шилдэг видео номинациудад өрсөлдөх аж.

Наадмын гол номинациудад нэр дэвшигчдийг танилцуулъя:

Оны шилдэг видео: “Bad Girls” дуугаараа Английн дуучин M.I.A., “Marry The Night” дуугаараа Америкийн дуучин Лэди Гага, “Wide Awake” дуугаараа Америкийн дуучин Кэти Перри, “We Found Love” дуугаараа дуучин Рианна, “Gangnam Style” дуугаараа Өмнөд Солонгосын дуучин “PSY” нар өрсөлдөнө.

Шилдэг дуу: “Call Me Maybe” дуугаараа Карли Рэй Жепсен, “We Found Love” дуугаараа дуучин Рианна, “Somebody That I Used To Know” дуугаараа Готье, Pitbull-тэй хамтарсан “International Love” дуугаараа Крис Браун,  Жанель Монэтэй хамтарсан “We Are Young” дуугаараа “Fun” рок хамтлаг нар нэр дэвшжээ.

Шилдэг эмэгтэй дуучин: Барбадосын дуучин Рианна, Америкийн дуучин Кэти Перри, Америкийн дуучин P!nk, Америкийн дуучин Тейлор Свифт, Америкийн рэппэр Ники Минаж нар өрсөлдөнө.

Шилдэг эрэгтэй дуучин: Канадын дуучин Жастин Бибер, Америкийн рэппэр Кэнье Уэст, Америкийн рэппэр Flo Rida, Америкийн рэппэр Pitbull, Америкийн рэппэр Jay-Z нар нэр дэвшжээ.

Шилдэг поп дуучин: Канадын дуучин Жастин Бибер, Америкийн “No Doubt” хамтлаг,  Барбадосын дуучин Рианна, Америкийн дуучин Кэти Перри, Америкийн дуучин Тейлор Свифт нар өрсөлдөнө.

Шилдэг хип-хоп дуучин: Америкийн рэппэр Jay-Z, рэппэр Кэнье Уэст, рэппэр Nas, рэппэр Rick Ross, Дрейк, Ники Минаж нар хүч үзнэ.

Шилдэг рок хамтлаг: Linkin Park хамтлаг; Green Day; Muse; The Killers; Coldplay зэрэг хамтлагууд нэр дэвшжээ.

Шилдэг электроник: Францын DJ Дэвид Гетта, Шведийн хаус хамтлаг Mafia, Шведийн DJ Авичи, Америкийн DJ Skrillex, Шотландын DJ Кэльвин Харрис нар өрсөлдөнө.

Шилдэг алтернатив уран бүтээлч: Америкийн дуучин Жек Уайт, Америкийн рок The Black Keys хамтлаг,  Английн рок Arctic Monkeys хамтлаг, Английн рок Florence + The Machine хамтлаг, Америкийн дуучин Лана Дель Рей нар нэр дэвшсэн байна.

Шилдэг шинэ уран бүтээлч: Их Британийн дуучин Рита Ора, Их Британи-Ирландын “One Direction” хамтлаг, Америкийн дуучин Лана Дель Рей, Канадын дуучин Карли Рей Жепсен нар хүч үзнэ.