“Box office” өнгөрсөн долоо хоногийн сүүлийн байдлаар ашиг орлогоороо тэргүүлсэн кинонуудаа шалгаруулжээ. Английн нэрт кино найруулагч Паул Андерсоны  энэ сарын 14-нд нээлтээ хийсэн “Оршин суугчид ба залхаан цээрлүүлэлт” аймшгийн кино өнгөрсөн долоо хоногийн сүүлийн байдлаар 21 сая ам.долларын ашиг орлого олсноор “Box office”-ийн шилдгээр шалгарсан байна.  Харин “Walt Disney”-н "Немогийн эрэлд” хүүхэлдэйн киноны 3D хувилбар 17.5 сая ам.долларын ашиг олж, хоёрдугаарт шалгарсан бол “The Possession" 5.8 ам.доллараар нэгдүгээр байраасаа ухарч, гуравдугаарт бичигдсэн байна.

“Оршин суугчид ба залхаан цээрлүүлэлт кино” кино өнгөрсөн долоо хоногийн сүүлийн байдлаар Азийн зах зээлийг оруулаад, дэлхий даяар нийтдээ 71.1 сая ам.долларын ашиг олж, дээд амжилт тогтоожээ. Харин энэхүү киноны араас ашиг орлогоороо нэхэж буй “Немо олдсон нь” кино дэлхийн хэмжээнд нийт 65 сая ам.долларын орлого олоод байгаа аж. Уг кино нь “Academy Award”-ын  хамгийн шилдэг бүтээлээр шалгарсан юм.