Энхтайваны өргөн чөлөөний “25-р эмийн сангийн уулзвараас Зүүн 4 замын уулзвар” хооронд нийтийн тээврийн үйлчилгээний автобус, троллейбусыг авто замын нэгдүгээр эгнээгээр явуулах болсонтой холбогдуулан уулзваруудын ачаалал нэмэгдэж, зарим чиглэлийн автобуснуудын “зүүн эргэх хөдөлгөөн” нь бусад тээврийн хэрэгслийн хөдөлгөөнд сөрөг нөлөөлөл үзүүлэх болсон учраас замын хөдөлгөөний аюулгүй байдлыг хангах зорилгоор зарим чиглэлийг өөрчиллөө. Тодруулбал, Эрхүүгийн гудамжнаас Их тойруугийн зам руу баруунаас хойшоо эргэдэг автобусны М:33 буюу “Согоотын гудамж – Дэнжийн 1000-Зайсан” чиглэлийг “МУБИС” зогсоолоос Бага тойруугийн замаар “Хүнсний 4-р дэлгүүр”  зогсоолд зогсон Их тойруугийн гудамжаар явах юм. Түүнчлэн Сүхбаатарын талбайн урд зам дээр буцаж эргэдэг хот орчмын “Хужирбулан-Сүхбаатарын талбай”, М:14 буюу “Улиастай – Сүхбаатарын талбай” чиглэлүүдийг “МУБИС” зогсоолоос Бага тойруугаар “МУИС”, “Ард” кино театрын зогсоолуудад зогсон Сүхбаатарын талбайд хүрэх гэсэн өөрчлөлтийг өнөөдрөөс эхлэхээр боллоо.