“Ахиж би дурламааргүй байна” дуунаасаа хойш шинэ дуу гаргаагүй байгаа дуучин С.Бичүү уран бүтээлийн ажилдаа эргэн оржээ. Тэрбээр өөрийн шинэ цомгийн ажлаа эхлүүлээд байгаа бөгөөд удахгүй хэвлэлтэд явуулах гэнэ. С.Бичүү 2007 оноос хойш шинэ уран бүтээл гаргаагүй байсан юм. Гэр бүлтэй болж, уран бүтээлээсээ түр завсарлага авсан дуучин залуу хэлэхдээ “Би энэ хугацаанд зүгээр суусангүй, уран бүтээлээ хийж байсан. Нийтэд цацаагүй ч шинэ уран бүтээлээ байнга л хийдэг байлаа. Харин одоо хийсэн зүйлээ сонсогчдодоо хүргэхээр бэлдээд байна” гэв. Тэгэхээр С.Бичүүгийн фэнүүд удахгүй гарах түүний шинэ цомгийг хүлээх л үлдлээ.